ဘဝဆိုတာ တိုက်ပွဲ
ခက်ခဲလှပေမယ့်
ရှောင်လွှဲလို့မရနိုင်
ရင်ဆိုင်ဖို့ကြိုးစား
ရိုးသားမှုများနဲ့ငါ
ရှင်သန်နေဦးမှာပါ…။
လောက ကံကြမ္မာ
ငါမပိုင်ပေမယ့်
ရွာနေတဲ့မိုးရေကြည်
နေခြည်နွေးနွေးနဲ့
လေပြည်အေးအေးကိုတော့
ငါ..ထွေးပွေ့ထားနိုင်ဆဲပါ…။
နာရီစက် လက်တံတွေ
မဟန့်နိုင်ပေမယ့်
ငါ့ဘဝရဲ့ပဲ့ကိုင်ကတော့
ငါကိုယ်တိုင်ပါပဲဲ
အားမာန်တွေအပြည့်နဲ့ငါ
လှုပ်ရှားနေဦးမှာပါ…။
ဘာတွေဖြစ်လာမလဲ
မတွေးရဲပေမယ့်
ငါ့အိပ်မက်လေးတွေ
အသက်ဝင်လာစေဖို့
ရာသီနဲ့ရွေ့နေတဲ့ငါ
ကြိုးစားနေဦးမှာပါ…။ ။
ညလေးညို
No comments:
Post a Comment